مشكلة بسيطة

الى جميع اعضاء منتدى بدادا الكرام الحل للمشكلة التي ذكرها ميشيل
أولا : لا تضغط على الزر ( موضوع جديد ) الا اذا اردت ان تضع موضوع جديد
ثانيا : اعرف مغزى الموضوع الذي يجب ان تضعه ومن ثم اختر من القائمة اسم المنتدى المراد ان تضع فيه الموضوع
ويكون اسم المنتدى يحوي العنصر الاساسي من الموضوع وتضع فيه الموضوع
ثالثا : اذا لم تجد اي من المنتديات يحوي الفكرة من الموضوع يرجى وضعها في ( مواضيع عامة )




وشكرا

كلامك صحيح وعلى عيني وراسي

لكن

اذا تعمقت أكثر في الحكم التي أختارها، لا بل في معنى كلمة حكمة...
فستجد أن الحكمة وجدت لتكون حلا لمشكلة
أي انها إما تنبيه من مشكلة مستقبلية من الممكن أن تواجهك، وطريقة المواجهة...
أو هي مشكلة قد تكون مرت بك وكيفية التعامل معها...
وحتى أنها قد تكشف مشكلة في قرارك لم تتضح صورتها لك علنا، وكيفية حلها...

لذا ياأخي الكريم،

أنا لم أخرج أبدا عن الموضوع الذي يعنيه العنوان!
ومع ذلك اسمح لي أن أختم هذه الليلة بأخر أمثالي التي لم يمر عليها سوى يومين....

وشكرا لتنبيهك

للأسف صديتلي نفسي

انا بشكرك يا اخي العزيز بوب ع هالرد اللطيف منك بس انا ماني رح عاملك بردك بس رح فهمك شغلتين
اولا : منتدى مشاكل وحلول
هيدا المنتدى خاص بمشاكل المنتدى عامة وليس بمشاكل الشعب الفقير فكريا
ثانيا :
انا قلت لا تستتخد ( موضوع جديد ) الا اذا حبيت تحط موضوع جديد
انت بنفس الموضوع حكمة اليوم فيه عندك كلمة رد على الموضوع فيك تختار هالزر ميشان ما يصير الموضوع 100 موضوع
يا ريت تكون وصلت الفكرة لانو انت بعيد كل البعد عن المنتدى
مابدي القصة تتفاقم اكتر من هيك انا بتمنى من الادارة تدخل بالموضوع وتفهم بوب الموضوع وتصحح المعلومات يلي عندو
وكمان تظبطلو مواضيعو تجمعلو ياهون بموضوع واحد لانو صار عندو الف موضوع وهوي بس عن حكمة اليوم
وشكرا

اذا حبيت ضيف رد عالموضوع لا تضغط على موضوع جديد اضغط على ( اضف رد )
وشكرا وسلامة نفسك نشالله بعمرا ما بتنسد

هل من المعقول انو هالموضوع (الفروق بين عمل مخ المرأة والرجل ) مشكلة وبدو حل ؟
والله ماني مأفهم عحدا بس ( مشاكل وحلول ) خاصة بالمنتدى ويا ريت توصلك الفكرة

شوف يا سيد ميرو
أنا محترمك بس لأنك مع ريال.....مزحة

مع فائق الاحترام ياسيد ميرو
انت الي ما عم تفهمني!

انا عندي كل يوم نص ساعة فراغ حبيت شارك أهل ضيعتي فيهم بدل ماشوف موقع يفيدني جديا اكثر من موقع بدادا
وصدقني فرحت كتير لأنو جورج عمل هالمبادرة، وعشانو بس رح خليها مجرد مطالعة بدون مشاركة، وشكلها أخدت من وقتي اكثر ما تستحق.

وشكلك آخد الموضوع جدي كتير، وانا الحياة كلها حواليي قشرة بصل مقرفة
ولعلمك أول مرة حبيت اتسلى لكنك طيرت آخر شفة بهالكاسي

انا دخلت الموقع وما شفت الا مواضيع بدون تكبر ما بتهمني
وكلام كل المشتركين مع احترامي للجميع كان: (اهل بدادا كتيرين حكي ولازم يبطلوا حكي عالعالم) وللاسف هم نفسهم بكونوا يحكوا
وانا اخر همي التعليق عكلام الاخرين، لاني مو انا ولا الي خلقك ممكن يغيير طبيعة البشر، وبفضل أصلح حالي قبل ما فكر صلح الي حولي
والي ما يقرب صوبي، انشالله يكون حرامي بضل قريب او صديق من بعيد لبعيد

فانت لما تشوف وردة امامك بتحب تشما وبتصير من جواتك رومنسي
ولما تشوف بارودة بتحب تقوص وتاذي شي
لهيك انا شفت كلمة مشاكل وحلول وكانت فاضية، بلا شعور حبيت ادخل واكتب وانشالله عمره ما حدا يشوفها

فعذرا اذا أخدت من صفحتك زاوية
وتاني شي عكلامك افتكرت ان انت الادارة فشو دخلك
كمان مزحة

فارجوك تطري نفسيتك شوي
وعذرا من جورج اذا غلطنا
ووعد ما تشوف اسمي بعد اليوم

وصراحة لو فاضيلك طنشتك وكتبت كل يوم، بس خجلت منك لانك ما بتعاملني متل ما بعاملك يا مهذب

كرمالك رح اضغط (خروج) الله لا يخرجك من دنيته وتتهنى فيها
شكلك حكيت بنفس موضوع مشاكل وحلول
ياريت أعرف مين انت لشوف اذا كنت تنفذ المنطق الي تتكلم فيه او بس ماسكها حمبلية علينا
والله يعين مرتك وولادك اذا عندك لانن بيكونو ماشيين عالمسطرة

وقبل السلام خود مني هالحكمة

Easy is to judge the mistakes of others
Difficult is to recognize our own mistakes

It's easier to protect your feet with slippers
than to cover the earth with carpet

بشكرك عكلامك اللطيف وانا بعتقد ما غلطت معك بشي بالعكس نحنا مابيهمنا غير يكون المنتدى بأحسن حالاتو
واذا فيه حدا غلط علينا نبهو بيجوز ما يكون عندو خبرة بالمنتدى بس انت مابتحب حدا ينبهك واخدت الموضوع
بأستهتار بالناس .
وبحب اني اشكر الادارة ع هالموقع الحلو وبحب اشكر الاستاذ جورج كتير
وكمان يا خيي بوب برجع بشكرك تاني مرة وبقلك انو هيدا الموقع لبدادا ولأهل بدادا وانا من اهل بدادا بس مو منكون انا
غريب عليكون انتو احق مني بالدخول عليه وانا رح اضغط ( خروج )
وشكرا

iالى الصديق والاخ ميرو المحترم شو عم بيصير ماني عم افهم شير عليكنشو هيدا شو

صار معقول الي عم شوفو من الردود والي عم بيصير بيناتكن شو وين صرنا على اساس نحنا شباب واعيين

معقول مع الشباب يصير هيك على تنبيه او غلط اذا كنا فينا نسميه غلط

لاتزعلو مني انتو الاتنين شوية تاني منصير متل الاولاد بتمنى ماحدا يزعل ىنو انتو خليتونا نشوف ونحكي

هيك معكن والحكي موجه للاتنين

ياميرو على اساس انت القديم والاصيل ومع انك عم تكتب كتير مواضيع حلوة وكتير نشيط معقول بتكتب اضغط للخروج و

شو مفكر الدني سايبي
ليش رح نخليك تضغط هنا اصلا نحنا مابنرضى واكيد لانحنا المشاركين ولاادراة الموقع وانت فهمت المقصود

لانو الشغلة مابدا الكبر كلو
انا حسيتا كتير بلا معنى انا كتر بفرح لمن واحد بينبهني على شي وين المشكلة بزعل اكيد لا

يلا انشالله بعد هالرد بدي شوف الك موضوع جديد

طبعا الحكي معك ياميرو بالمونة لاتفهمني غلط وتفكر حكي تهديد نحنا اخوة بالموقع انشالله لمن بتعرفعليك
بنصير اخوة كمان والشغلة ياشباب بدا شوية وعي مع العلم نحنا واعيين موهيك يابوب وياممممممممممممميرو

اخوكم ابو سمرة

حبيب القلب سامر بشكرك على وضوحك وانا كنت حاسس انو فيني شي غلط بس رجعت يا خيي مافيني استغنى عن الآكابر
والطيبين
وبالمناسبة انا بالموضوع زكرت انو يا ريت الادارة تتدخل بالموضوع ما تدخلت عهيك انا كنت حابب ما ارجع
وانا ما غلطت معو بشي نشكر الله
بس فيك تشوف بالردود تبعيتو كيف كان ميحكيني
وهي مثال من الكلام الجميل ( ياريت أعرف مين انت لشوف اذا كنت تنفذ المنطق الي تتكلم فيه او بس ماسكها حمبلية علينا
والله يعين مرتك وولادك اذا عندك لانن بيكونو ماشيين عالمسطرة )
ولعيونك يا خيي سامر راجع انا ولعيون ابو جريج مديرنا رجعنا