الأعراس الفلسطينية :
طبعا لازم قاعة ...
مو مهم ;بفندق ;بنادي; بالشارع; المهم قاعة....
وطبعا بيبدأ العرس بس نسوان ... وكل البنات
لابسين أحمر أو دهبي وفضي .... وخمسين أم بتلف عالطاولات عم تدور على عروس لابنها...
واذا مالقت لابنها عروس بالعرس بس تروح عالبيت بتحضر فيديو العرس كمان مرة ومرتين وعشرة مشان تتأكد انو ما نسيت شي بنت متخبية تحت الكرسي ما شافتها
والعروس الله لا يورجيك شو عامل فيها الصالون ... شوي بتقلب مهرج ....
وفجأة بيدخل العريس وأبوه وأخواته واولاد عمه
واولاد خاله وكم واحد من
اصحابه الصيع ... وكلهم لابسين بدلات الشغل ...
وهات اللي يطلعهم لآخر العرس...
----------------------------------------------------
الأعراس اللبنانية :
ألف بنت وخمسين شاب ....
والمسترة فيهن لابسه ميني سكيرت وحفر....
الشباب بدل من دون ربطة ....
والقميص مفتوح وسلسال ذهب ....
والعروس أكتر وحدة بترقص بالعرس...
العريس بيرقص مع صاحبته .... والعروس مع أخوه
وإم العروس مع خاله ... الحياة حلوة ..
-----------------------------------------------
الأعراس السورية :
العرس صغير ... على الأكثر 200 شخص لأنه ما لحقوا وعاملينها عالديق لا تواخزونا...
وطبعا كل العرس شباب وصبايا ...وعلى كيفك
الجينز ... والبنات اللي بكونوا شادين الهمة بالرقص هنن من طرف العريس .....تارة من أهله
وتارة صاحباته...
البوفيه عالقد ... ولازم الزفه...
ومن أول العرس لآخره دبكة علوش ..
-----------------------------------------------
أعراس الامارات :
عرس الرجال متل العزا بالأردن
بس الفرق انه في واحد لابس بشت مستعيره ..... وطبعا الكل صايم يومين مشان العشا ..
عرس الحريم شبيه الحفلات التنكرية اللي منشوفها عالتلفزيون .....
وطبعا لو نزلت مطر عليهم بتصير الأرض كلها ألوان الطيف ....
-----------------------------------------------
أعراس الأردنيين :
خمسين طاولة .... كل طاولة عليها... المنسف والذبيحة قدامهم..... و الراس أهم إشي
غير الطخ الشغال على ابو جنب ..
يعني ما بيهدى بالهم الا بس يذبحولهم عشرة.. ..
مشان بعد العرس ما يمللوا ......
يعني بصير في عطوه او جاهه اوشي مشان ياكلولهم فيه لقمة منسف ثانية
-----------------------------------------------
أعراس المصريين :
بتخزي من اولها لآخرها وما بتسمع غير الزلاغيط وعأبالك يا فاروووق ، والله يخليك يا معلم .....
وكانت عم تصير بنادي الماء والكهرباء او النادي السياحي ... وبس لما سكروهم عزف المصريون عن الزواج ...
----------------------------------------------------
أعراس السعوديين :
خيمة كبييييييييييييرة او قاعه كبييييييييييييييييييييره .. فيها ألف واحد لابسين بشت ... وكل واحد شايل سيف ومفكر حاله نمر بن عدوان
وبعد هيك بتبدا الحرب مع الرز واللحمه
والله لا يورجيك
الدم للكوع - عفوا الزيت للركب
----------------------------------------------------
اعراس السودانييين:
العريس نايم ، والعروسه نايمه ، والمعازيم نايمين ..، والنور مطفي .والحياه ظلمه ، ولما يصحوا بخلص العرس ... والله يعين بعد هيك
موضوع: عادات الاعراس العربية 
الجمعة أكتوبر 23, 2009 7:46 am
